بسطيلة اقتصادية

بسطيلة اقتصادية ولذييذة لي داقها يقول فيها الكروفيت والحوت ولكن السر فالشرمولة.

المقادير :

 (شجعونا بالضغط على جيم والبارطاج)
نصف كلغ داند مقطع بشطل طولي رقيق + نصف فلفلة خضرة و نصف فلفلة صفرة و نصف فلفلة حمراء مقطعين قطع صغيرة+ 2 جزر و 2 كريعات محكوكين شوية ملح و شوية زيت نديرو كلشي فوق النار حتى يتقلاو و يطيب لداند و نطفي و نزيد 2 معال كبار زيتون دوائر و رشة معدنوس ندير الخليط فبانيو و فنفس المقلاة نديرو علبة صغيرة من الشومبنيو مقطعة قطع رقيقة بحال المعدنوس، و ربطة من المعدنوس مقطعة قطع رقيقة، و 5 فصوص من الثوم محكوكة، 1 مصيرة مقطعة قطع صغيرة، ابزار، خرقوم؛ سكينجبير، كمون،فلفلة حمراء، الهريسة و عصير نصف حامضة(بدون ملح) و شوية زيت العود نقلي كلشي مزيان و نطفي النار و نزيد ملعقة من مطيشة الحك و 2 معالق كبار صوص صوجا و شوية فرماج احمر محكوك و نزيدو فوق الخليط الأول فنفس المقلاة باش منوسخوش الماعن هههه 😂 ندير الماء يغلي و نرمي فيه الشعرية الصينية من الحجم الكبير تصلق و نقطعوها قطع صغيرة و نزيدوها على الخليطين و نعصر من الفوق عصير نصف حامضة و نخلط و نجلط و نفرش ورقة البسطيلة فطاوة و ندير الحشوة و نجمعها و نطيبوها بالصحة و الراحة <3
وصفة الشاف : moha